Ang Pagpapatupad ng  Child-Friendly, Gender-Responsive, at Indigenous Peoples-Relevant na Katarungang Pambarangay (KP Project) ay isa sa mga proyekto ng Ateneo Human Rights Center (AHRC) sa pakikipagtulungan ng Department of Interior and Local Government (DILG), at sa suporta ng Governance in Justice Program (GOJUST). Bahagi ang KP Project sa marami pang mga programa ng AHRC na nakatuon sa pagpapalawak ng access to justice. 

Isa sa mga pangunahing layunin ng KP Project ay ang bumuo ng Katarungang Pambarangay na child-friendly, gender-responsive, at indigenous peoples-relevant sa pamamagitan ng pagpapaunlad sa kakayahan at kapasidad ng mga Lupon at opisyal ng barangay. 

Upang isakatuparan ang nasabing layunin, isinagawa ng proyekto ang:

1. Pagbuo ng mas updated na KP Training Manual na naaayon sa konsteksto ng makabagong panahon;
2. Pagbibigay ng mga training-workshop at capacity development activities sa mga Lupon at opisyal ng barangay upang maisakatuparan nila ang kanilang mga obligasyon sa ilalim ng KP System na may pagrespeto at pagkilala sa mga karapatang pantao ng mga bata, kababaihan, mga indibidwal na may iba-ibang SOGIESC, at mga indigenous peoples o katutubo.